НУРАНГИАС ХОЁР ДАХЬ ИРГЭНИЙ ЦОГЦСЫГ ГАРГАЖЭЭ

Төв аймгийн Заамар сумын нутагт үйл ажиллагаа явуулж байгаа "Эко-Алтан Заамар" компанийн ил уурхайн нурангид дарагдсан дөрвөн иргэн, хоёр техник рүү хүрч очих зам тавьж, усыг соруулах хоолойн холболтыг хийж дуусгаад байна. Түүнчлэн аврагчид таван метрийн гүнд найман удаагийн шумбалт хийж, 19:04 минут нэг иргэний цогцсыг гаргалаа. Өчигдөр нэг цогцосыг гаргасан талаар мэдээлийн албанаас өгөөд байсан юм. Ослын голомтод ОБЕГ-ын дэд дарга, хурандаа Б.Ууганбаяр, ОБЕГ-ын ГШУГ-ын дарга, хурандаа Б.Мандахгэрэл нараар ахлуулсан Онцгой байдал, МХЕГ, "Эко-Алтан Заамар" ХХК, Заамар сумын ЗДТГ-ын нийт 100 гаруй хүн үүрэг гүйцэтгэн ажиллаж байна. Ийнхүү хоёр иргэнийг эрэн хайх ажиллагаа үргэлжилж байна