ТАНИЛЦ: ХУУРАМЧ БИЧИГ ҮЙЛДЭЖ УЛСАД ХОХИРОЛ УЧРУУЛСАН КОМПАНИУД

Сангийн яамнаас шалгахад улаан буудай тарьсан нэрийдлээр зээл авч улсад хохирол учруулсан компаниудыг танилцуулж байна.

Урамшуулал авсан ААН, иргэдийн мэдээллээс харахад улаанбуудай тарьсан ААН-үүд нь өөрсдийн гурилын үйлдвэрт /харилцан хамааралтай ААН-үүдийг оруулаагүй/ 2013-2017 оны хооронд 38.1 мянган тонн улаанбуудай нийлүүлж 2.7 тэрбум төгрөгийн урамшууллыг авсан байна. Тус аж ахуйн нэгжүүдийн өөрийн гурилын үйлдвэртээ тушаасан улаанбуудайн хэмжээг тогтоохдоо зөвхөн толгой компаний захирал болон тариалангын бригадын дарга /нэг компанийн ажилтан хооронд/ хооронд байгуулсан гэрээг үндэслэн урамшууллын хэмжээг тогтоосон байна. Тус сангийн ажилтнууд нь урамшуулал авахаар хүсэлтээ ирүүлсэн ААНүүдийн мэдээллийг зөвхөн гурилын үйлдвэртэй тооцоо нийлсэн акт, байгуулсан гэрээгээр баталгаажуулж байгаа нь урамшууллыг хуурамч материал бүрдүүлэн авах, ААН-үүд өөрсдийн гурилын үйлдвэрт нийлүүлсэн буудайн хэмжээг хуурамчаар өсгөж урамшуулал авах өндөр эрсдэлтэй байна.

Өөрийн гурилын үйлдвэрт буудай нийлүүлсэн ААН-үүдийн мэдээ

/Жич: Нэг эзэмшигчтэй боловч нэр өөр ААН-үүдийн мэдээллийг хамруулаагүй болно./ Өмнө хийгдсэн шалгалтын тайлангаас үзэхэд 30 ААН хуурамч баримт бүрдүүлэн улаанбуудайн урамшууллаас 561.1 сая төгрөг авсныг тогтоож эргэн төлүүлэх талаар акт үйлдсэнээс 405.1 сая төгрөгийг буцаан төвлөрүүлж 145.0 сая төгрөгийн үлдэгдэлтэй байна. Дээрх зөрчлийг судлан үзэхэд, тухайн ААН-үүд нь гурилын үйлдвэрүүдтэй буудай нийлүүлэх гэрээг байгуулан сангаас урамшууллыг авсны дараа тодорхой шалтгаануудын улмаас гэрээний үүргээ зөрчиж гурилын үйлдвэрүүдэд тохирсон буудайгаа нийлүүлээгүй байна гэжээ.