ТАНИЛЦ: ХОТЫН ДАРГА С.АМАРСАЙХАНЫ ХОМ

Өчигдөр хотын даргаар албан ёсоор томилогдсон С.Амарсайханы ХОМ-ыг хүргэж байна.Түүний "Оюуны Ундраа" групп нь дараах чиглэлээр үйл ажиллагаа явуулдаг.

Нэгдүгээрт Уул уурхай: Тэрээр 2000 оноос уул уурхайн салбарт хүч үзэж эхэлжээ. "Эс Эс Монголиа" ХХК-ийг байгуулан үйл ажиллагаа явуулж эхэлсэн.

Хоёрдугаарт Үл хөдлөх: "Оюуны Ундраа Пропертиз" ХХК нь 2012 онд байгуулагдсан бөгөөд архитектур, интерьер дизайн, барилга угсралтын менежмент, үл хөдлөх хөрөнгийн менежмент чиглэлээр үйл ажиллагаа явуулдаг.

Гуравдугаарт Санхүүгийн чиглэлээр: 2009 оноос үйл ажиллагаа эхэлсэн "Монголын санхүүгийн групп" ББСБ нь зээл, санхүүгийн зөвлөх, валют арилжаа, итгэлцлийн үйлчилгээ үзүүлдэг гэжээ.

Дөрөвдүгээрт Мэдээллийн технологийн чиглэлээр: Хамгийн анхны үйл ажиллагаа явуулж байсан салбар нь мэдээллийн технологи. 2007 оноос Оюуны Ундраа Группийн охин компани болох MNBC ХХК нь олон сувагт тоон телевизийн үйлчилгээг нэвтрүүлжээ. С.Амарсайхан нь НИТХ-ын дарга байхдаа 2017 онд орон сууц гурав гэж бүртгүүлж байжээ. Орон сууцных нь үнийн дүн нь 10 тэрбум 767 сая төгрөгтэй дүйцнэ. Lexus,RX 350- 1, Mazda, CX-9- 1 маркийн 220 сая төгрөгөөр үнэлэх тээврийн хэрэгсэл, 225 сая төгрөгийн үнэт эдлэлтэй.