ВИВА СИТИ ХОТХОНД ӨӨРИЙГӨӨ БООМИЛЖЭЭ

"Вива сити" хотхонд уржигдар өөрийгөө боомилж, амиа егүүтгэсэн хэрэг гарчээ. Хан-Уул дүүргийн дөрөвдүгээр хорооны нутаг дэвсгэрт орших "Вива сити" хотхонд "Цонхоор цогцос харагдаж байна" гэсэн дуудлагыг нийслэлийн аврах ангид иржээ. Дуудлагын дагуу нийслэлийн аврах ангийнхан очиход тус байрыг түрээслэгч Төв аймгийн Батсүмбэр сумын харьяат иргэн М хөшигнөөсөө боож нас барсан тул цогцсыг цагдаагийн байгууллагад шилжүүлэн өгчээ.

Уг хэргийг Хан-Уул дүүргийн Цагдаагийн хэлтэс шалгаж байна.