Ж.ОЮУНГЭРЭЛ: БРИТИШ СУРГУУЛИЙН ТАЛААР ТУН УДАХГҮЙ АЛБАН ЁСНЫ МЭДЭГДЭЛ ГАРГАНА

"British School " нь 49:51 гэх эзэмшилтэй. Өмнө нь 49 хувийн талынхан нь удирддаг байж. Тодруулбал 49 хувийн талын эзэмшлийг төлөөлж тус сургуулийг удирдаж байсан Х.Батжаргал захирлыг ажлаас чѳлѳѳлѳх шүүхийн шийдвэр өнгөрсөн оны 12-р сарын 19-ны ѳдѳр гарсан байдаг. Харин 49 хувийг эзэмшигч Х.Батжаргал, Ц.Амраа, Ц.Ариунаа нар нь тус сургуулийн 51 хувийн талаас томилогдсон н.Ерѳѳлт гэх захиралд ѳрѳѳ албан тасалгаа, тамга тэмдгээ хүлээлгэж ѳгѳѳгүйгээс дээрх нѳхцѳл үүссэн гэж эх сурвалж бидэнд мэдээлсэн юм. Анхан шатны шүүх 51 хувьд давуу эрхийг олгосон ба 49 хувийн талаас давж заалдах шатны шүүхэд хандсан байна. Тус маргааныг шийдвэрлэх шүүх хурлын тов нь ирэх гуравдугаар сарын зургааны өдөр товлогджээ. Яг одоогийн байдлаар сургуулийг цагдаа нар хамгаалалтанд авсан, нам жим байдалтай байна.

Тус сургуулийн 51 хувийг эзэмшигч "Петровис" ХХК-ийн ТУЗ-ийн дарга Ж.Оюунгэрэлээс утсаар тодруулга авлаа. Тэрээр хэлэхдээ Х.Батжаргал захирал найман жил ажиллаад халагдсан. Одоогоор сургуулийн үйл ажиллагаанд огт хамаагүй хүн болсон. Англи захирал эцэг эхчүүд багш нарт хандаж сургуулийн үйл ажиллагаа хэвийн үргэлжлэнэ гэж захидал бичсэн боловч бүх емайл хаягуудыг хаасан байна. Бид удахгүй албан ёсны мэдэгдэл гаргана гэж хэллээ.

zarig.mn сайтын сурвалжлагч З.Гантулга зураглаач Э.Сугарсүрэн нар газар дээр нь мэдээлэл авахаар ажиллаж байна.

Тус сургууль нь жилийн 13 000 ам.долларын төлбөртэй юм байна. 49 хувийн төлөөлөлүүд хоёр шөнө нойргүй хоносон удахгүй бидэнтэй холбогдож мэдээлэл өгнө гэв.

З.Гантулга