МАЙКЛ БИЙЗЛИ ХЯТАДЫН ЛИГТ ТОГЛОНО

Лос Анжелес Лэйкерс багийн довтлогч Майкл Бийзли Guangdong Southern Tigers багтай гэрээ байгууллаа.

Энэ улиралд 26 тоглолтод оролцохдоо Бийзли 7.0 оноо, 2.3 самбар, 49.0%-тай довтолж 11 минутыг талбайд өнгөрүүлж байсан билээ.

Энэ сарын эхэнд буюу 02 сарын 07-нд Ивица Зубацын хамтаар Майкл Бийзли Лос Анжелес Клиппэрс баг руу солигдоод байсан бөгөөд хоёр өдрийн дараа Клиппэрс түүнийг хасаад байсан юм.

Өмнө нь Бийзли Хятадын лигийн Shandong Golden Stars багт тоглож байсан бөгөөд нээлтийн тоглолтдоо 48 оноо, 10 өдрийн дараа 49 оноо авч шуугиулж байсан ба 40 тоглолтод оролцохдоо 31.9 оноо, 13.4 самбар, 3.8 оновчтой дамжуулалт дунджилан" Үнэ Цэнэтэй Тоглогч" болж байсан юм.

Мөн Мэмфис Гриззлис багт тоглож байсан Маршон Брүүкс Guangdong Southern Tigers багтай гэрээ байгуулжээ.