ИНЧЕОНЫ НИСЭХ БУУДАЛД МИАТ-ЫН ОНГОЦЫГ СААТУУЛЖЭЭ

Өнөөдөр буюу хоёрдугаар сарын 15-ны өдрийн Сөүл-Улаанбаатар чиглэлийн нисэх онгоцыг саатуулж, МИАТ-ын нислэг хойшилсон байна.Тодруулбал, МИАТ-ын ОМ32 нислэг, B767-300 дугаартай агаарын хөлгийг Инчеоны нисэх буудлаас хөөрөх гэж байхад нь саатуулжээ. Учир нь, тус агаарын хөлөгт тэсрэх бөмбөг болон аюултай ачаа тээвэрлэн явж байж магадгүй гэх мэдээлэл нисэх буудлын аюулгүйн албанд ирсэнтэй холбоотойгоор онцгой байдал зарлан, агаарын хөлөгт удирдлагын төвөөс аюулгүй байдлын үзлэг явуулж байгаа аж. Уг шалгалтын ажиллагаа дуусмагц агаарын хөлөг хөөрөх зөвшөөрөл өгөхөөр болоод байгаа гэх ба тус онгоцонд зорчиж явсан иргэдийн тээшийг мөн шалгаж байгаа тул нислэг багагүй хугацаагаар хойшлох төлөвтэй байгааг МИАТ-ээс мэдээллээ