ЗХЖШ-ЫН ДАРГАД ХОШУУЧ ГЕНЕРАЛ А.ГАНБАТЫГ НЭР ДЭВШҮҮЛЖЭЭ

2018 оны арваннэгдүгээр сарын 14-ны өдөр Ерөнхийлөгч Х.Баттулга зарлиг гаргаж Зэвсэгт хүчний Жанжин штаб /ЗХЖШ/-ын дарга, дэслэгч генерал Д.Давааг өөр ажилд томилсонтой холбогдуулан үүрэгт ажлаас нь чөлөөлсөн.Үүнээс хойш нэгдүгээр орлогч дарга, хошууч генерал Р.Сүхбат ЗХЖШ-ыг түр орлон удирдаж байна. ЗХЖШ-ын даргаар чухам хэнийг томилох бол гэсэн хүлээлт олон нийтийн дунд байсан.Тэгвэл Ерөнхийлөгч Х.Баттулга ЗХЖШ-ын даргад хошууч, генерал А.Ганбатыг нэр дэвшүүлэх саналыг УИХ-д хүргүүлжээ. Мөн түүнийг Ашиг сонирхлын зөрчилтэй эсэх лавлагааг АТГ-аас хоёрдугаар сарын 2-ны өдөр авчээ.А.Ганбатын томилгоог ээлжит бус чуулган эсвэл хаврын чуулганаар хэлэлцэж магадгүй гэх мэдээлэл байна