ЭРДЭНЭС-ОЮУТОЛГОЙН ЗАХИРЛААР Ц.ТҮМЭНЦОГТЫГ ТОМИЛЖЭЭ

"Эрдэнэс-Оюутолгой" компанийн гүйцэтгэх захирлаар ажиллаж байсан. Б.Мөнхбаатарыг Засгийн газрын хуралдаанаар Барилга хот байгуулалтын дэд сайдаар томилсон билээ. Тэгвэл түүний оронд Оюутолгойн Монголын талын ТУЗ-ийн гишүүнээр ажиллаж байгаа Ц.Түмэнцогтыг "Эрдэнэс-Оюутолгой"-н гүйцэтгэх захирлаар томилжээ.

"Оюутолгой" ХХК-ийн хувьцааны 34 хувийг Монгол Улсын Засгийн газрыг төлөөлөн төрийн өмчит "Эрдэнэс МГЛ" ХХК эзэмшиж байсан. Монгол Улсын Засгийн газрын 2011 оны 348 дугаар тогтоол болон "Эрдэнэс МГЛ" ХХК-ийн Төлөөлөн удирдах зөвлөлийн 2011 оны 28 дугаар тогтоолуудаар төрийн өмчит "Эрдэнэс-Оюутолгой" ХХК-ийг "Эрдэнэс МГЛ" ХХК-ийн охин компани хэлбэрээр үүсгэн байгуулсан байдаг.

"Эрдэнэс-Оюутолгой" ХХК-ийн үндсэн зорилго нь Монголын талын 34 хувийн хувьцааг эзэмшин, "Оюу Толгой" ХХК-ийн үйл ажиллагаанд оролцож, ашигт малтмалын ордыг ашиглах үеийн төрийн оролцоог хэрэгжүүлэх үйл ажиллагаа байна гэж компанийн дүрэмд тодорхойлсон байна.

Ц.Түмэнцогт өмнө нь "Эрдэнэс-Монгол" компанийн гүйцэтгэх захирлаар ажиллаж байгаад 2018 оны зургадугаар сараас Оюутолгойд Монголыг талын төлөөлсөн ТУЗ-ийн гишүүнээр ажиллаж байгаа юм.