KFC-ИЙН НАЙЗУУД БАГЦАНД ТАВАН ХҮН ХОРДОЖ ХӨСҮТ-Д ХҮРГЭГДЖЭЭ

КFC-д уржигдар буюу хоёрдугаар сарын 12-ны өдөр таван хүн найзууд багцыг захиалж хордон бүгдээрээ ХӨСҮТ-д хүргэгджээ. Бид ХӨСҮТ-ийн эмчилгээ эрхэлсэн орлогч захирал н.Тунсагаас тодруулахад таван хүн уржигдар хүргэгдэн ирсэн энэ талаарх мэдээллийг ЭМЯ, НМХГ-т хүргүүлсэн дэлгэрэнгүй мэдээлэл өгөх боломжгүй гэлээ. Харин НМХГ-аас тодруулахад Хан-Уул дүүргийн Зайсангийн KFC-д уг үйл явдал болсон бөгөөд цуг явсан таван хүн тус газрын "Найзууд" багцыг авч хорджээ. НМХГ-аас тус газрын бүтээгдэхүүнээс дээж авч лабораторит хүргүүлжээ. Шинжилгээний хариу 5 хоногийн дараа гарах юм байна. Хан-Уул дүүрэгт үйл ажиллагаа явуулдаг Зайсангийн KFC-ийн үйл ажиллагааг НМХГ-аас түр зогсоосон гэсэн мэдээлэл өглөө. Бид мэдээллийг эргэн хүргэх болно.