​ГАЛЫН УЛМААС 17 ХҮН АМИА АЛДЖЭЭ​

Энэтхэгийн Дели хотын Арпит Палас зочид буудалд гал түймэр гарч 17 хүн амиа алдсан харамсалтай хэрэг гарчээ. Амиа алдсан хүмүүсийн ихэнхи нь галаас зугтан зочид буудлын цонхоор гадагшаа үсэрсэн бол үлдсэн хувь нь унтаж байхдаа түймрийн утаанд угаартаж амиа алдсан байна. Дели хотын Аюулгүй байдлын албаны дарга Сатендра Жаиний мэдээлснээр амиа алдсан хүмүүсээс гадна галд түлэгдсэн, хагас угаартсан, бэртэж гэмтсэн хүмүүс цөөнгүй байгаа. Мөн зочид буудалд гал гарахад буруутай хүмүүсийг олж тогтоох, хариуцлага тооцох ажиллагаа үргэлжилж байгаа гэв. Гал унтраах ангийнхан галыг нэн даруй унтрааж, зочид буудал дотор эрэл хайгуул хийж, нас барсан болон бэртэж гэмтсэн, дотор нь гацсан хүмүүсийг аврах ажиллагааг явуулж байгаа гэж мэдэгдэв