​ЛАЛЫН ХУВЬСГАЛЫН 40 ЖИЛИЙН ОЙГ ТЭМДЭГЛЭВ

Иранийн шашны дээд удирдагч Шах Мухаммед Раза Палавигийн 1979 онд удирдсан Лалын хувьсгал тухайн оны хоёрдугаар сарын 11-ны өдөр ялалт байгуулсан 40 жилийн ой тохиож байна. Энэ өдөр нь Иранийн хаант засаглалыг түлхэн унагаж, өнөөгийн ардчилсан Иран улсын эхлэлийг тавьсан гэдгээрээ онцлогтой юм. Лалын хувьсгалын ялалтын ойн өдрийг жил бүр тэмдэглэж, Шах Мухаммед болон Лалын шашны Шийтийн урсгалын оюун санааны удирдагч Аятолла Рухолла Хоминей нарын алдар сууг магтан дуулдаг юм. Үүний зэрэгцээ Иранийн ард иргэд улс орон даяар жагсаал зохион байгуулсан нь "АНУ мөхтүгэй" хэмээх уриан дор өрнөжээ. Эл жагсаалыг зохион байгуулсан Ядолла Жавани АНУ-аас гадна Израиль улс ч гэсэн мөхөх ёстой гэдэг байр суурийг баримталж, үүнийгээ олон нийтэд сурталчилж байгаа нь энэ гэж орон нутгийн хэвлэл мэдээллийн хэрэгсэлд өгсөн ярилцлагадаа дурджээ. Түүний үзэж байгаагаар Лалын шашинтнууд буюу арабын нийт үндэстэнд хамгийн ихээр аюул занал учруулж, ил, далд хэлбэрээр бусад орны асуудалд хэт оролцон Ойрхи Дорнодын нөхцөл байдлыг тартагт нь тулгасан гол буруутнууд нь Израиль, АНУ гэнэ. Энэ ч утгаараа Тегераны төв Эрх чөлөөний талбайд болсон жагсаалын үеэр АНУ-ын далбааг шатааж, эсэргүүцлээ илэрхийлжээ. Эл жагсаалын үеэр тавьсан шаардлагыг биелүүлэхгүй бол Израилийн хоёр ч хотыг галдан шатаахаар зэхсэн гэж Лалын шашны хувьсгалт гвардын тэргүүн Ядолла Жавани заналхийллээ