​Д.ТРАМП ШИ ЖИНПИНТЭЙ УУЛЗАХ ХҮСЭЛТЭЙ БАЙГАА ГЭНЭ

АНУ болон БНХАУ-ын дунд худалдааны дайн өрнөөд багагүй хугацаа өнгөрч байна. Энэ байдлыг эцэс болгохын тулд Хятадын Төрийн тэргүүнтэй уулзах хүсэлтэй байгаа талаар Дональд Трампийн Цагаан ордон дахь төлөөлөгч Килльянн Конвэй мэдэгджээ. Хятад, Америкийн асуудлыг нэг тийш болгох нь Америк болон түүний хөдөлмөрч ард түмэнд ашигтай учраас Доналд Трампын зүгээс ийм алхам хийхэд бэлэн байна гэж ноён Килльян Конвэй мэдэгдэлдээ онцлон тэмлэглэсэн байгаа юм. Их Британийн Дэйлимэйл сонины мэдээлж байгаагаар АНУ-ын Төрийн тэргүүн Дональд Трамп ирэх гуравдугаар сарын 01-ний дотор БНХАУ-ын дарга Ши Жинпинтэй уулзах хүсэлтэй байгаа юм байна. Хэрэв энэ хугацаанд хоёр талын Төрийн тэргүүн уулзаж чадахгүй бол Хятадаас Америк уруу нийлүүлдэг экспортын бараанд тавьсан 200 тэрбум долларын тариффийг хоёр дахин өсгөх бодолтой байгаа гэжээ. Албаны эх сурвалжийн мэдээлснээр Америк, Хятадын төлөөлөгчид энэ долоо хоногт Бээжинд уулзахаар тов гарчээ. Эл уулзалтын үеэр БНХАУ-ын Засгийн газрын эдийн засгийн өсөлт нь Америкийн эдийн засагт сөрөг нөлөө үзүүлж байгаа учраас аль болох хохирол багатай бодлого баримтлах шаардлыгыг хүргүүлэхээр төлөвлөсөн байна. Дунд түвшний төлөөлөгчид буюу АНУ-ын Худалдааны төлөөлөгч Роберт Лайтайзер, Эрдэнэсийн сангийн нарийн бичгийн дарга Стивен Мнучин, БНХАУ-ын төлөөлөгч Лиу Хө нар энэ долоо хоногийн пүрэв гарагт уулзаж, дээр дурдсан асуудлаар хэлэлцэхээр болжээ