ҮНДСЭРХЭГ ҮЗЭЛТНҮҮДИЙН 92 ХУВЬ НЬ ЭЦЭГ ЭХТЭЙГЭЭ АМЬДАРДАГ

Германы өдөр тутмын Бильд хэвлэл үндсэрхэг үзэлтнүүдийн талаар судалгаа явуулж, хэрхэн амьдардаг талаар судалсан байна. Судалгаанд 2003-2013 оны хооронд хэрэг төвөгт холбогдсон зүүний үзэл сурталтай залуусыг хамруулжээ. Нийт 873 үндсэрхэг үзэлтэн аливаа гэмт хэргийн сэдлээр цагдаагийн газар баривчлагдсан бөгөөд тэдний дунд дээрхи судалгааг явуулсан байна. Баривчлагдсан үндсэрхэг үзэлтнүүдийн 84 хувь нь эрэгтэй. Тэдний 72 хувь нь 18-29 насны эрчүүд байсан аж. Үндсэрхэг үзэлтнүүдийн дийлэнхи нь Берлин хотын Фредрихшайн, Крьюцберг, Митте дүүргийн харьяатууд юм. Эдгээр бүс нь хэт зүүний үзэл баримтлалтай оршин суугчидтай гэдгээрээ зард гарчээ. Судалгааны явцад анзаарагдсан хамгийн сонирхолтой үзэгдэл нь үндсэрхэг үзэлтэй гэх залуусын 92 хувь нь эцэг эхтэйгээ хамт амьдардаг байна. Тэр дундаа гуравны хоёр нь ажил хөдөлмөр эрхэлдэггүй залуус болох нь тогтоогджээ. Сэтгэл судлаачид болон социологичдын дүгнэлтээр насанд хүрсэн ч гэсэн эцэг эхтэйгээ амьдардаг нь хувь хүний биеэ даах чадамжгүйн илэрхийлэл гэнэ. Өөрөөр хэлбэл, өөрийн гэсэн тогтсон ухамсаргүй, хүний үгээр явдаг залуус үндсэрхэг үзэлтэн нэрийн доор эвлэлдэн нэгддэг нь дээрхи судалгаагаар тогтоогджээ. Бильд сонины мэдээлснээр Германы үндсэрхэг үзэлтнүүд 2009-2013 оны хооронд 11 удаа бусдын амь насанд халдах гэмт хэрэг үйлдсэн байна