ЧУУЛГАНЫ ТЭН ХАГАСТ НЬ БАРААГАА ХАРУУЛААГҮЙ 10 ГИШҮҮНТЭЙ ТАНИЛЦ

УИХ-ын 2018 оны намрын ээлжит чуулган 2018,10,01-2019,02,02-ны өдрийг дуустал ажлын 88 өдөр үргэлжилсэн байна. Чуулганы хугацаанд нэгдсэн хуралдаан 31 удаа буюу 121 цаг 06 минут үргэлжлэв. Байнгын хороод 83 удаа, 105 цаг 42 минут хуралдсан бол дэд хороод найман 12 цаг 43 минут, түр хороо нэг удаа 35 минут тус тус хуралджээ. Чуулганы хугацаанд бие даасан таван хууль, нэмэлт өөрчлөлт оруулах тухай 25 хууль, гэрээ конвенц соёрхон батлах тухай 13 хууль, хууль хүчингүй болсонд тооцох тухай гурван хууль, УИХ-ын 41 тогтоолыг баталжээ. Намрын чуулганд хамгийн олон удаа оролцоогүй УИХ-ын 10 гишүүнийг танилцуулж байна

УИХ-ын гишүүн Б.Бат-Эрдэнэ 31 өдөр 121 цаг хуралдаанд оролцох ёстой байсан ч 17 өдөр буюу 61 цаг 19 хуралдаа ирээгүй.

УИХ-ын гишүүн, Уул уурхай, хүнд үйлдвэрийн сайд Д.Сумъяабазар 15 өдөр хуралдаа суугаагүй.

УИХ-ын гишүүн Б.Наранхүү 14 өдөр хуралдаа суусангүй.

УИХ-ын гишүүн Ц.Гарамжав 13 өдөр хуралдаа ирээгүй байна.

УИХ-ын гишүүн, Гадаад харилцааны сайд Д.Цогтбаатар чуулганы хуралд 31 удаа суух ёстойгоос 12 удаагийн хуралд оролцоогүй.

УИХ-ын гишүүн Д.Мурат 11 удаа хуралдаа ирээгүй.

УИХ-ын гишүүн Ж.Бат-Эрдэнэ, Б.Ундармаа, Б.Саранчимэг, Ж.Энхбаяр, С.Эрдэнэ нар тус бүрдээ 10 удаа чуулганы хуралд оролцоогүй байна.

Н.ӨНӨРЦЭЦЭГ