ХУРДАН МОРЬ УНАЖ ЯВААД ХОЁР ГАРАА ХӨЛДӨӨЖЭЭ

Хүйтний улиралд хурданг морь уралдуулахыг хориглосон байгаа. Мөн ХЭҮК-оос жил бүр зөвлөмж, шаардлага гаргаж холбогдох байгууллага, албан тушаалтан явуулдаг. Гэвч хориглосон шийдвэрийг эсэргүүцэж, орон нутагт нууцаар морь уралдуулсан байна..

Тодруулбал, арваад хоногийн өмнө Хэнтий аймгийн Биндэр суманд болсон хурдан морины уралдаанд долоон настай хүүхэд хурдны морь унаж байгаад чих, хамар, хоёр гараа хөлдөөсөн харамсалтай хэрэг гарчээ.

Энэ мэдээллийг уяачид нуун дарагдуулж байгаа бөгөөд анх мэдээлэл цацсан иргэн рүү утсаар залгаж удаа дараа дарамталжээ.