СУРАГЧДЫН АМРАЛТ ДУУСЧ, ХИЧЭЭЛ ЭХЭЛЛЭЭ

Ерөнхий боловсролын сургуулийн сурагчдын хоёрдугаар улирлын амралт дуусч, өнөөдрөөс эхэлж гуравдугаар улирлын хичээл эхэллээ.

Боловсрол, соёл, шинжлэх ухаан, спортын яамнаас агаарын бохирдол ихтэй өвлийн улиралд сурагчдыг урт хугацаагаар амруулахаар шийдвэрлэсэн бөгөөд Улаанбаатар хотын нэгээс тавдугаар ангийн сурагчид арванхоёрдугаар сарын 22-ноос эхлэн долоон долоо хоног амарсан бол хөдөө орон нутгийн сургуулийн сурагчид таван долоо хоног амарчээ.

Гэхдээ найман аймгийн сурагчдын амралтыг сунгах шийдвэр гаргасан гэх мэдээлэл гарсан нь ташаа юм байна.
Орон нутаг болон нийслэлийн ЕБС-иудын бүх сурагчид өнөөдөр хичээлдээ явж байгаа талаар албаны эх сурвалж хэлэв.