ТЕГЕРАН ГАЗАР ДООРХИ ЗЭВСГИЙН ҮЙЛДВЭРЭЭ ИЛ БОЛГОЖЭЭ

Олон жилийн турш цөмийн зэвсэгтэй эсэх тал дээр маргаантай байгаа Иран улсын талаас барууны орнуудыг түргэн авахуулсан ноцтой мэдэгдэл хийжээ. Тус улсын Хувьсгалт Гвардынхан өчигдөр газар доор байрлах зэвсгийн нууц үйлдвэртээ үйлдвэрлэсэн олон тооны баллистик пуужинг ил болгон үзүүлжээ. Фарс агентлагийн мэдээллээс харахад алсын тусгалтай баллистик пуужингуудыг үйлдвэрлэж, амжилттай туршин зэвсэгт хүчний хэрэглээнд нэвтрүүлэхэд бэлэн болсон байна. "Газар доорхи хот" гэж нэрлэдэг тус зэвсгийн үйлдвэр нь Золфагар хэмээх 700 км-ийн тусгалтай, 450 кг жинтэй пуужингийн цэнэгт хошууг шинэчлэн Дезфул хэмээх 1000 км-ийн тусгалтай пуужин үйлдвэрлэжээ. Түүнчлэн 2000 км-ийн тусгалтай пуужин үйлдвэрлэсэн нь тус улсын газар нутаг дахь АНУ-ын цэргийн баазуудыг устгаад зогсохгүй Израиль руу ч харвах бүрэн боломжтой гэж Иранийн Засгийн газар мэдэгдэв. Харин энэ бүгд нь Тегеранаас барууны томоохон орнуудтай байгуулсан цөмийн зэвсгийн үйлдвэрлэлийг зогсоох хэлэлцээрийг шууд зөрчсөн гэж Европийн холбооноос буруушаажээ