КАНАДЫН ДИПЛОМАТЧИД ЗАСГИЙН ГАЗРААСАА 28 САЯ ДОЛЛАР НЭХЭМЖЛЭВ

Кубад нууцлаг, ужгарсан өвчин үүсгэсэн гэх шалтгаанаар Канадын арвандөрвөн дипломат ажилтан Засгийн газраа шүүхэд өгч 28 сая Канад доллар нэхэмжилсэн талаар CNN агентлаг мэдээллээ. Зарга мэдүүлэгчид нэрээ зарлахгүй байхыг хүссэн учраас шүүхээс тэдний нэр усыг нууцалж байгаа юм байна. Тэрхүү бичигт дурдсанаар Канадын Засгийн газар хариуцлага алдаж, эрүүл мэнд, аюулгүй байдалтай холбоотой мэдээллийг зориудаар буруу өгсөн нь өвчнийг газар авахуулахад хүргэсэн буруутай хэмээжээ. Одоогийн байдлаар үл мэдэгдэх өвчнөөр Канадаас Куба улсад суугаа 14 дипломат ажилтан өвчлөөд байгаа учраас тус улс дахь нийт 16 дипломат ажилтныг тавин хувиар бууруулахаар ярьж байгаа хэмээн Канадын Засгийн газрын хэвлэлийн албанаас мэдэгдээд байна. Дээр дурдсан үл мэдэгдэх өвчний шинж тэмдэг нь гэнэт толгой эргэх, чих дүнгэнэх, ой санамжаа алдах зэргээр илэрдэг юм байна. Дипломат ажилчид Канадын Дээд шүүхэд хандсаны дараа Засгийн газраас гомдол гаргагчдад анхаарал хандуулж, эмнэлгийн шинжилгээнд оруулсан боловч яг ямар өвчин болох хийгээд гарал үүслийг нь оношилж чадахгүй байгаа аж