ЗГХЭГ-ЫН ДАРГЫН АНХНЫ ӨДӨР

ЗГХЭГ-ын дарга Монгол улсын сайдаар томилогдоод удаагүй байгаа Л.Оюун-Эрдэнийн ажлын эхний өдөр нь нохой жилийн сүүлийн өдөр байлаа. Тэрбээр ЗГХЭГ-ын бүх дарга, ажилтнуудтай өргөтгөсөн хурал хийж ямар зарчим барьж ажиллахаа танилцуулсан байна. Мөн "Эрдэнэт"-ийн 49 хувь, Хөгжлийн банкны бондын мөнгөний зарцуулалт гэх мэт олон нийтэд хүлээлт үүсгээд байгаа 10-аад асуудлууд дээр төвлөрч ажиллана гэдгээ хэлжээ. Эдгээр асуудлуудтай холбоотой баримтуудыг нэгтгэж танилцуулах үүргийг холбогдох албан тушаалтнуудад өгсөн байна. Ингэхдээ хугацаа бага байгаа учраас амралтын өдрүүдээр ч дарга нарыг дуудаж ажиллана гэж хэлжээ.