ТУЛААНЧ К.МАКГРЕГОРИЙН БУТАЧ ХҮҮХЭД ИЛ БОЛЖЭЭ

Терри Муррэй гэх 26 настай ганц бие ээж алдарт тулаанч Конор МакГрегорийн хүүхдийг төрүүлсэн гэж мэдэгдэж, дэлхий даяар шуугиан дэгдээлээ. Тэрээр 2017 онд тулаанч залууг 75 сая фунтийн шагналын сантай тулаанд ялалт байгуулахын өмнөхөн хамт хонож, энгэр зөрүүлсэн гэжээ. Ийнхүү нэг ой гарантай хүүхэдтэй гэдгээ зарласан нь Конор МакГрегорийн мөнгөнд шунасан явдал биш ердөө л ДНХ-ийн шинжилгээ хийлгэж, Клодагийн жинхэнэ эцэг мөн болохыг тогтоолгох хүсэлтэй гэж Терри Муррэй хэвлэлд тайлбарлав. Тэд хамгийн анх 2017 оны Гран Нэшнлд оролцохоор Ливерпүүл рүү явах замдаа танилцаж, дотноссон нь 30 настай Конор МакГрегорийн найз бүсгүй Дий Девлин төрөхөөс нэг сар орчмын өмнө юм байна. Харин эл мэдээллийг авсан холимог тулааны хоёр жингийн аварга асан, "Догшин" хочит Конор МакГрегор эрс үгүйсгэсэн хариу өгч Террийг тухайн үед өөртэй нь биш найзтай нь унтсан. Хүүхдийн эцэг тогтоох ДНХ-ийн шинжилгээ өгч өөрийгөө биш гэдгийг нотлоход бэлэн хэмээн мэдэгджээ