ВЕНЕСУЭЛИЙН СӨРӨГ ХҮЧНИЙ УДИРДАГЧ ЦЭРГИЙНХЭНТЭЙ НУУЦААР УУЛЗАВ

Өөрийгөө тус улсын түр Ерөнийлөгч хэмээн зарласан сөрөг хүчний удирдагч 35 настай Хуан Гуайдог уржигдар Европийн парламент хүлээн зөвшөөрсөн бол тэрээр одоо улс орноо хямралт нөхцлөөс аврах төлөвлөгөөгөө хэрэгжүүлэхээр дараагийн шатандаа оржээ. Түүний нэн тэргүүний зорилго нь одоогийн Ерөнхийлөгч Н.Мадурог түлхэн унагах учир цэрэг армийн дээгүүр албан тушаалтнуудтай нууцаар уулзаж, хэрхэх талаар зөвлөлдсөн гэж Вашингтон Пост мэдээллээ. Одоогийн байдлаар тэрхүү уулзалтын талаар дэлгэрэнгүй мэдээлэл байхгүй ч гэлээ түүнтэй маш ойрын эх сурвалжийн задруулсан мэдээллээр дарангуйлагч Николас Мадурог цэргийн хүчээр хэрхэн түлхэн унагах, зэвсэгт хүчний бүрэлдэхүүн болон удирдлагын зүгээс олон нийтийн аюулгүй байдлыг хангах тал дээр ямар үүрэгтэй оролцох талаар зөвлөлдсөн бололтой. Х.Гуайдо өмнө нь мэдэгдэж байсанчлан дотоодын асуудлаа шийдвэрлэхэд АНУ-ын цэрэг зэвсгийн тусламжийг авах зэргээр гадны нөлөөллийг оруулахаас сэргийлнэ гэсэн байр сууриндаа хэвээр буй нь үүнээс харагдаж байна