ИРАКИЙН ЕРӨНХИЙ САЙДЫН 100 ХОНОГ ДУУСЛАА

Иракийн Ерөнхий сайд Адел Абдул Махди өнгөрсөн оны аравдугаар сараас хойш албан үүргээ хашиж байгаа билээ. Тэрээр ажлаа авмагцаа Засгийн газартаа улс төрийн мухардлаас гарч шинэчлэл хийх үүрэг өгч 100 хоногийн хугацаа заасан. Гэвч энэ долоо хоногт түүний заасан хугацаа дууссан ч улс төрийн гацаанаас гараагүй Засгийн газрын үйл ажиллагаа нэг ч алхам урагшлаагүй байгаа. Үүнд Абдул Махди үүргээ хангалтгүй гүйцэтгэсэн. Угтаа бол юу ч хийлгүй зүгээр суусан гэж ард түмэн нь дүгнэж, яаралтай ажилдаа анхаарал хандуулахыг шаардаж эхэлжээ