ЭНЭТХЭГ УЛС ТАРИАЛАНЧДАД 8.4 ТЭРБУМ ДОЛЛАР ТАРААНА

Тус улсын засгийн газар 2019 оны санхүүгийн жилийн төсвөө баталж, орон нутаг болон тариаланчдад их хэмжээний хөрөнгө оруулалт хийж, хөгжүүлэх зорилт тавьснаа зарлалаа. Хот суурин газрын захын дүүрэг, хөдөө орон нутгийг хөгжүүлэх томоохон төслүүдийг хэрэгжүүлснээр ирэх таван жилийн хугацаанд эдийн засгаа таван их наяд долларт хүргэх бололцоотой гэж үзжээ. Ерөнхий сайд Нарендра Модигийн засаг захиргааны үед амьжиргааны өртөг нэмэгдсэн нь иргэдийн дургүйцлийг ихэд төрүүлсэн. Ийм учраас нийгмийн дунд давхаргынхны орлого, зохион байгуулалттай бус хөдөлмөрийн салбарын ажилчдын цалин хөлсийг нэмэгдүүлэх, татварын элдэв дарамтаас хөнгөвчлөхийг чухалчлах төлөвлөгөөтэй байгаа гэв. Энэтхэгийн Засгийн газар тариалан эрхлэгчдийг дэмжихэд 10.5 тэрбум ам.доллар шаардлагатай гэж төсөвтөө суулгажээ. Үүний 8.4 тэрбумыг нь хоёр акраас бага талбайтай тариаланчдад тарааж өгнө. Энэ нь тариаланч тус бүрт 84 доллар болж байгаа юм. Харин 2.6 тэрбум долларыг нь орон нутгийн дэд бүтцийг барьж байгуулахад зарцуулахаар төсөвлөсөн байна