ДОПИНГ ХЭРЭГЛЭСЭН ОХУ-ЫН 12 ТАМИРЧИН ЭРХЭЭ ХАСУУЛЖЭЭ

Олон улсын Спортын Арбитрийн шүүхээс хүч тамир нэмэх сэргээш хэрэглэсэн үндэслэлээр тэмцээн уралдаанд орох эрхийг нь хассан хөнгөн атлетикийн 12 тамирчны дунд Лондоны 2012 оны Олимпийн өндрийн харайлтын аварга Иван Ухов багтсан талаар ВВС агентлаг мэдээллэв. И.Уховын 2012 оны Олимпоос эхлүүлээд гурван жилийн хугацаанд оролцсон тэмцээний үр дүнг хүчингүйд тооцож, Их Британийн тамирчин Роберт Грабарз мөнгөн медаль хүртэхээр болж байгаа юм байна. Допингийн эсрэг дэлхийн агентлагаас гаргасан МакЛарений тайланд дурдсанаар эрхээ хасуулсан 12 тамирчин нь ОХУ-ын төрийн дэмжлэгтэйгээр хэрэгжүүлсэн нэмэлт бэлдмэлийн хөтөлбөрт хамрагдсаныг бармтаар нотолжээ. Дээрхи тамирчдын дунд өндрийн харайлтын дэлхийн аварга Светлана Школина, алх шидэлтийн алтан медальт Татьяна Лисенко нар орсон бөгөөд тэмцээнд оролцох эрхийг нь найман жилээр хасахаар шийдвэрлэсэн юм байна.

Лондонд 2012 онд болсон Зуны Олимпийн наадмын үеэр нийт 120 тамирчин допинг хэрэглэсэн нь илэрсэн бөгөөд түүхэн дэх хамгийн өндөр үзүүлэлт болон тэмдэглэгджээ. Мөн түүний өмнөх буюу Бээжингийн 2008 оны Олимпийн үеэр 86 тамирчин допингийн сорилд бүртгэгдсэн нь тухайн үедээ түүхэн дэх хамгийн үзүүлэлт болж байлаа