ПОПИЙН ХААН АГСАН МАЙКЛ ЖЕКСОНЫ ЖИЛ БҮРИЙН ОРЛОГО 200 ОРЧИМ САЯ ДОЛЛАРААР ӨСДӨГ

Амьд ахуйдаа Попын хаан хэмээн өргөмжлөгдсөн, алдарт дуучин Майкл Жексон уран бүтээлээс олох орлогоороо толгой цохьдог байсан. Урлагийн тайзан дээрхи асар их нэр хүндийн зэрэгцээ бага насны хүүхэд сонирхдог гаж донтон, мэдээ алдуулах эмэнд донтсон мансуурагч гэх зэргээр бас л элдвээрээ дуудуулсан ч орлогын хэмжээ нь буурдаггүй. Өдгөө тэрээр амьд биш ч гэлээ уран бүтээлээрээ дамжуулан олдог орлого нь жилд хэдэн сая ам.доллараар тоологдож байна. Попын хаан 2009 онд нас барснаас хойш орлого нь жил бүр тогтмол өсч байгаа гэнэ. Хамгийн сүүлд шүтэн бишрэгчдийнх нь хүртээл болсон "Хаа ч байхгүй газрыг орхихуйд" хэмээх баримтат киногоор нэр алдар нь дахин сэргэсэн түүний хөрөнгө жил бүр дунджаар 196 сая ам.доллараар өсдөг байна. Дээр дурдсан бүтээлийг найруулан тавьсан найруулагч Дэн Рийд хэлэхдээ "Алдарт дуучин агсны дууг тоглуулж эхлэхэд л мөнгө тасралтгүй цутгаж эхэлдэг" хэмээн сайрхжээ.