ИХЭР НЯРАЙ ХҮҮХДЭЭ ХӨНӨӨГӨӨД ЧИХМЭЛ БААВГАЙД НУУСАН АЙМШИГТ ХЭРЭГ ГАРЧЭЭ

Серби гаралтай эмэгтэй үр хөндүүл гэх эцэг эхийнхээ шахалтаас зугтаан Швейцарийн Люсернь дахь гэртээ интернетээс заавар үзэж, ганцаараа амаржиж, улмаар дөнгөж төрсөн ихэр хүүхдүүдээ хөнөөсөн аймшигт хэрэг гарсан талаар Их Британийн Миррор мэдээлэв. Люсернь хотын шүүхийн мэдээлснээр 23 настай залуу эмэгтэй жирэмсний долоон сартай байхдаа амаржсан аж. Тэд хэрэгтэн этгээдийн жинхэнэ нэрийг нууцалж, хэвлэлд мэдээлэл өгөхдөө зөвхөн Желика С хэмээх нэрийг ашигласан байна. Желика С ярихдаа "Би яах учраа олоогүй. Нэг мэдэхэд л усны онгоцон дотор төрсөн. Тэгээд хонгилын давхарт аваачаад хананд хоёр удаа савж, чихмэл баавгай дотор нуусан" гэж мэдүүлжээ. Харин хоёр дахь хүү нь 31 цагийн дараа төрөхдөө амьгүй байсан учраас хиртэй хувцас хийдэг торон сагсанд нуусан байна. Цагдаа нарын тайлбарласнаар Желика С нь хүүхдүүдийнхээ эцгээс саяхан салсан явдал нь хүндээр тусч дутуу төрж, дээрхи жигшүүрт алхмыг хийхэд хүргэсэн бололтой.