МАН-ЫН УДИРДАХ ЗӨВЛӨЛ ЗГХЭГ-ЫН ДАРГАД Л.ОЮУН-ЭРДЭНИЙГ ДЭМЖЛЭЭ

Засгийн Газрын хэрэг эрхлэх газрын дарга УИХ-ын дарга болж уг суудал эзэнгүй болсон. Тэгвэл дөнгөж сая Монгол Ардын Намын удирдах зөвлөл хуралдаж УИХ-ын гишүүн Л.Оюун-Эрдэнийг зуун хувийн саналаар дэмжлээ.

Түүний намтрын хуудсыг сөхвөл 1980 оны зургадугаар сарын 29-ны өдөр Улаанбаатар хотноо төрсөн, МУИС-ийг Эрх зүйч мэргэжлээр төгссөн. Мөн 2005 онд Австрийн Мельбурнийн их сургуульд олон улсын төсөл хөтөлбөрийн менежментийн чиглэлээр суралцаж төгссөн.

2008 онд МУБИС-ийг улс төр судлалаар магистрын зэрэг хамгаалсан. Ажлын тухайд, 2001 онд Хэнтий аймгийн Бэрх сумын Захирагчийн албанд Тамгын газрын дарга, 2002-2007 онд Дэлхийн Зөн ОУБ-ын салбарын захирал, Европ тивийн санхүүжилт хариуцсан бүсийн захирал, Дэлхийн банк, Азийн хөгжлийн банкны төсөл хөтөлбөрт зөвлөх,Филиппин, Тайланд улсад төслийн менежер, мэргэжлийн үнэлээчээр, 2008-2009 онд Нийслэлийн Баянзүрх дүүрэгт Нийгмийн хөгжлийн хэлтсийн даргаар, 2009 оны тавдугаар сараас МАХН-ын Удирдах зөвлөлийн хэрэг эрхлэх газарт намын байгуулалтын хэлтсийн даргаар ажиллаж буй юм байна.
Мөн "Нийгмийн ардчиллын аян" "МАХН-XXI зуунд" намын хөгжлийн хөтөлбөр, "Ард түмнээ сонсъё" аян зэрэг томоохон ажлын хэсгийн нарийн бичгийн даргаар ажиллаж байжээ.

МАСЗХ-нд 1999 онд, МАХН-д 2000 онд гишүүнээр элссэн. МАСЗХ-ны Удирдах зөвлөлийн гишүүн.
Хувь хүний хөгжил, философи, утга зохиол, угсаатны зүй, түүхийн чиглэлээр таван ном бичсэн. Алсын хараа ном нь 2009 оны шилдэг борлуулалттай номоор шалгарч байсан гээд багагүй түүх намтартай нэгэн.