О.БУРМАА: ШҮҮХЭД ҮЗҮҮЛСЭН ТАЛИЙГЧИЙН ЗУРАГ ХУУРАМЧ

Монгол Улсын иргэн, загвар өмсөгч агсан Ш.Алтантуяа 2006 онд Малайз улсад амиа алдсан хэрэгтэй холбоотой шүүхийн сонсгол өнгөрсөн долоо хоногт хэрэг гарсан гэх Малайзын Шах Аламын Дээд шүүхэд эхэлсэн юм. Энэ удаагийн сонсголд мэдүүлэг өгөхөөр хохирогч эмэгтэйн үеэл Оюунчимэгийн Бурмаа очсон байна. Орон нутгийн Засгийн газрыг төлөөлөн оролцсон, холбооны зөвлөх Жасми Хамииза гэрчийг мэдүүлэг өгөх үеэр хохирогчийн сэжигтэн Абдул Разак Багинда болон түүний холбоотон Нажиб Разак нарын авахуулсан зургийг үзүүлсэн юм. О.Бурмаагийн хэлснээр уг зураг нь фотошопоор ядмагхан хийсэн нь илэрхий хуурамч гэж мэдүүлжээ. Учир нь тэрээр эл зургийн жинхэнэ хувийг өмнө нь үзэж байсан аж.

Хохирогчийн гэрт үзсэн зургийн цомогт эл зургаас гадна хэргийн сэжигтэнтэй авахуулсан цөөнгүй гэрэл зураг байсан. Жинхэнэ хувь зургийг 2005 онд Францын Парис хотод авахуулсан бөгөөд түүнд хохирогч Ш.Алтантуяа хоёр эрэгтэй хүнтэй хамт камерийн өөдөөс инэмэсэглэн авахуулсан байсан гэв. Ингэснээр Малайзийн Ерөнхий сайд байсан Нажиб Разак түрүү түрүүчийн шүүх хурал дээр хохирогч эмэгтэйг танихгүй, уулзаж байгаагүй гэж мэдүүлсэн нь эргэлзээтэй байж болзошгүй сэжүүр гарч ирж байгаа гэж болно.