ХИЙМЭЛ ОЮУН УХААНЫ ӨРСӨЛДӨӨНД АНУ, БНХАУ ТЭРГҮҮЛЖЭЭ

НҮБ-ын байгууллагын Дэлхийн оюуны өмчийн байгууллага /ДОӨБ/саяхан явуулсан судалгааныхаа үр дүнг өчигдөр тайлагнаж, хиймэл оюун ухаанд суурилсан инновацийн салбарын өрсөлдөөнд АНУ, БНХАУ тэргүүлснийг зарлажээ. БНХАУ-д 20 эрдмийн хүрээлэн байгаагаас 17 нь хиймэл оюун ухаантай холбоотой судалгаа шинжилгээ, үйл ажиллагаа явуулдаг нь өөр ямар ч улсад байхгүй өндөр үзүүлэлт гэж болно. НҮБ-ийн ДОӨБ-аас тэдний яг одоо явуулж байгаа ажлаас машиныг сурах технологитой болгох, яриа таних систем боловсруулах гэх зэрэг томоохон ажлуудыг онцолжээ. ДОӨБ-ын Ерөнхий захирал Франсис Гурри "Тус хоёр улс нь хиймэл оюун ухааны хөгжлөөрөө хэдийнэ хол явсан. Тэдний бүтээсэн аппликейшний тоо, шинжлэх ухааны нээлт, судалгаа тоолж барахын аргагүй болжээ" гэж цохон тэмдэглэсэн байна.

Өндөр технологийн салбарт тэргүүлэгчдийн нэг АЙБИЭМ/IBM/ компани хиймэл оюун ухаанд суурилсан хамгийн олон патенттай компани болохыг дээрхи судалгаагаар тогтоожээ. Нарийвчилсан тоогоор АЙБИЭМ нь нийт 8920 ширхэг шинэ бүтээлийн патент эзэмшиж байна. Харин програм хангамжаараа адартай Майкрософт компани 5930 патент эзэмшдэг.

Чухамдаа, Вашингтонооос Бээжинг Америкийн шинэ инноваци, шилдэг технологийг хулгайлж байна хэмээн буруутган Хятадаас оруулж ирдэг бараа бүтээгдэхүүнд үзүүлдэг 234 тэрбум долларын худалдааны хөнгөлөлтийг цуцласан билээ.