Ж.МӨНХБАТ Л.БОЛД ГИШҮҮНИЙ НО-ТОЙ БАРИМТЫГ ДЭЛГЭХ ҮҮ?

Өнөөдөр /2019.01.18/-нд 11:30 минутад УИХ-ын гишүүн Л.Болд мэдээлэл хийсэн. Харин Ж.Мөнхбат гишүүн 13:40 минутад мэдээлэл хийхээр тов зарлалаа. Л.Болд гишүүн мэдээллийн үеэр хэлэхдээ "Ж.Мөнхбат намайг гүтгээд байна. Бүр тодорхой 30 тэрбум, 8 сая доллар гэх зэрэг тоо хэлж байна. Тиймээс би Ерөнхий Сайдад албан бичиг хүргүүлж байгаагаа үүгээр мэдэгдэж байгаа юм. Засгийн газар надад болон өөр гишүүдэд хүүгүй зээл өгч иймэрхүү зүйл хийсэн бол гэмт хэрэг. Тиймээс огцрох ёстой. Үүнийг чуулган дээр танилцуулна. Засгийн газар хариу тайлбар ирүүлэх ёстой. Би Голомт банкийг байгуулж байсан, мөн ТУЗ-ын дарга байсан. Ямар нэг хууль зөрчөөгүй. Голомт банк намайг ажиллаж байх үед Монголын хамгийн том арилжааны банк болж хөгжиж байсан. Би гэхдээ 2013 онд гарсан. Миний дүү гавьяат эдийн засагч Л.Болдхуяг Богд банкийг ажиллуулж байгаа. Би энэ банкинд хувь эзэмшдэг нь үнэн. ХОМ-т мэдээлэл нь байгаа. Банкийг муухай харагдуулж, халдаж болохгүй. Ж.Мөнхбатаа эрээ цээргүй үйлдэлдээ цэг тавина уу" гэсэн юм. Мөн сэтгүүлчид түүнээс Ипотекийн зээл гаргах хүсэлт тавьсан эсэхийг асуухад: Ипотекийн зээл тараах хүсэлтийг бүх банк Сангийн яаманд өгсөн. Гэхдээ Богд банк хасагдсан гэсэн юм. Харин Богд банк Хөгжлийн банктай ямар нэг гэрээ байгуулсан зүйл байгаа юу гэхэд тодорхой хариулт хэлж чадаагүй. Ж.Мөнхбат гишүүнийг баримттай зүйл ярихыг шаардсан түүнд Ж.Мөнхбат ямар хариу барихыг харах үлдлээ.