Н.БАТБАЯР, Б.ГАРАМГАЙБААТАР НАРЫН УРЬДЧИЛСАН ХЭЛЭЛЦҮҮЛЭГ БОЛНО

УИХ-ын гишүүн асан Н.Батбаяр, Б.Гарамгайбаатар нарыг АТГ-аас шалгасан.

Н.Батбаярын хувьд АН эрх барих үед Эдийн засгийн хөгжлийн сайдаар ажиллаж, "Чингис", "Самурай" бондын мөнгийг захиран зарцуулахдаа албан тушаалын байдлаа урвуулан ашигласан гэх хэрэгт буруутгагдан шалгагдсан юм.

Экс гишүүдийг Эрүүгийн хуулийн тусгай ангийн 150.3, 263.2-т заасны дагуу яллагдагчаар татсан. Б.Гарамгайбаатарын хувьд бондын мөнгөнөөс их хэмжээний зээл авч өөрийн компани руугаа оруулсан, зээлээ эргэн төлөөгүй гэх асуудлаар шалгуулж дуусчээ.

Тэгвэл Баянгол дүүргийн анхан шатны шүүхэд Ч.Отгонбаяр Б.Гарамгайбаатар Р.Онон Н.Батбаяр нарт холбогдох хэрэг ирсэн байгаа бөгөөд өнөөдөр урьдчилсан хэлэлцүүлэг нь болно. Хэлэлцүүлгээр шүүх хурлын товыг тодорхой болгох юм.