МАЛ ХАМГААЛАХ САНГИЙН ХӨРӨНГӨ ББСБ-ЫН ДАНСААР ОРСОН УУ?

Төрийн өндөр албан тушаалтнууд тэдгээрийн хамаарал бүхий хүмүүс ЖДҮХС-гаас их хэмжээний зээл авсан баримт ил болж энэ хэрэгт УИХ-ын гишүүдээс эхлээд төрийн өндөр албан тушаалтай хүмүүс нэр холбогдож зарим нь хуулийн байгууллагад шалгагдаж байна. Үүний нэг жишээ нь ерөнхийлөгчийн хэвлэлийн албаны дарга Ж.Цэсэнгийн нөхөр Д.Тэрбишийн "Дөлгөөн оргил" ХХК нь ХХААХҮЯ-ны харъяа Мал хамгаалах сангаас 1,2 тэрбум төгрөгийн тендер авсан нь ил болсон.

Тэгвэл Мал хамгаалах сангаас 1,2 тэрбум төгрөг зээлээд төлөхгүй байгаа ерөнхийлөгчийн хэвлэлийн албаны дарга Ж.Цэсэнгийн нөхөр Д.Тэрбиш "Ингүүн инвест" нэртэй Банк бус санхүүгийн байгууллагын эзэн юм байна. Тус Банк бус санхүүгийн байгууллага нь Санхүүгийн зохицуулах хорооны сайтын бүртгэлийн хэсэгт Д.Тэрбишийн нэр дээр бүртгэлтэй байгаа юм.