С.ЭРДЭНЭ Л.БОЛДЫГ УИХ-ЫН ГИШҮҮНИЙ БҮРЭН ЭРХЭЭСЭЭ ТАТГАЛЗАХ ЁСТОЙ ГЭВ

АН бүлгийнхээ эсрэг шийдвэр гаргасан гэж УИХ-ын гишүүн Л.Болд, Д.Мурат нарт сахилгын шийтгэл оногдуулж, харин Ж.Батзандан гишүүнийг намаас хөөх тушаал гарсан. Харин энэ шийдвэрээс үүдэн УИХ-ын гишүүн Л.Болд эхлээд бүлгээсээ дараа нь намаасаа гарах шийдвэр гаргаж, өргөдлөө хүргүүлээд байгаа. Ингэснээр УИХ-д АН бүлэггүй болох эрсдэл хүлээгээд байгаа юм.Тэгвэл энэ асуудлаар АН-ын дарга С.Эрдэнэ "Л.Болд намаасаа гарч байгаа юм бол төлөөллийн зарчмаа мөн бодолцох ёстой. Ямар төлөөллөөр УИХ-д орж, хэний сонголтоор орж ирсэн юм гэдгээ бодох ёстой. Хэрэв үнэхээр энэ намд байхгүй, гаръя гэж байгаа бол УИХ-ын гишүүнээсээ ч мөн адил татгалзах ёстой" гэсэн байр суурь бүхий ярилцлага өгсөн байна