ХАРҮМАФҮЖИД ЗОДУУЛСАН ТАКАНОИВА А.БААСАНДОРЖ ДЭВЖЭЭНИЙ ЗАЛУУ БӨХӨӨ ЗОДЖЭЭ

Өнгөрсөн оны аравдугаар сард Монголын ёкозуна Харумафүжид зодуулсан гэх Таканоива буюу Монголын сумоч Адъяагийн Баасандорж өөрийн дэвжээний залуу бөх болох туслахаа зодсон гэдгийг Японы Сумо бөхийн холбооноос мэдээлсэн байна.

Тодруулбал, тэрбээр орон нутагт болж буй тэмцээний үеэр байрлаж байсан зочид буудалдаа өөрийн туслахыг ямар нэгэн зүйл авчрахаа мартсанд нь буруутган нүүрэнд нь цохисон байна. Японы Сумо бөхийн холбооны Олон нийттэй харилцах албаны мэдээлж буйгаар туслах бөх хүнд бэртээгүй ч нүүр рүүгээ 4-5 удаа цохиулсан тул хавдаж, хөхөрсөн гэжээ. Таканоива өөрийн бурууг хүлээж, уучлалт гуйсан бөгөөд одоогоор түүнийг Фүкүокад болох өвлийн тойргийн тэмцээнээс чөлөөлсөн байна.