М.ЭНХБОЛД Л.ОЮУН-ЭРДЭНЭ ГИШҮҮНИЙГ ГҮТГЭЛГЭЭ ЗАЛРУУЛАХЫГ ШААРДЛАА

ЖДҮ-ийг дэмжих сангаас төрийн өндөр албан тушаалаа урвуулан ашиглан өөрсдийн хамаарал бүхий этгээдүүдэд зээл олгохдоо өөртөө болон бусдад давуу байдал бий болгосон, тус сангийн албан тушаалтнууд хахууль авсан байж болзошгүй үйлдэлд АТГ-аас хэрэг үүсгэж, мөрдөн шалгах ажиллагаа явуулж байгаа юм.

Дээрх үйл ажиллагаатай холбоотой Л.Оюун-Эрдэнэ гишүүн УИХ-ын гишүүний гэр бүл болон тэдгээртэй хамаарал бүхий иргэнийг баривчлан шалгаж байгаа талаар мэдээлсэн.

Тэгвэл ЦЕГ-аас УИХ-ын дарга М.Энхболдод хаяглан УИХ-ын гишүүний гэр бүл болон тэдгээртэй хамаарал бүхий иргэнийг баривчлах ямар нэгэн үйл ажиллагаа явуулаагүй гэсэн байна. УИХ-ын дарга М.Энхболд Л.Оюун-Эрдэнэ гишүүнийг гүтгэлгээ залруулахыг шаардаж байна. Энэ мэт богино зайн улстөрөө боль гэсэн байна.