ЕРӨНХИЙ САЙД У.ХҮРЭЛСҮХ УИХ-ЫН ДАРГЫГ ОГЦРУУЛАХААР ЦЭЦЭД ХАНДЛАА

Ерөнхий сайд У.Хүрэлсүх УИХ-ын дарга М.Энхболдыг огцруулах асуудлаар Үндсэн хуулийн цэцэд хандсан байна.Энэ талаар "Миний бие Монгол улсын Ерөнхий сайдын хувиар Үндсэн хуулийн цэцэд хүсэлт хүргүүллээ. Үндсэн хуулийн цэц УИХ-ын дарга М.Энхболдыг огцруулах үндэслэлтэй гэсэн дүгнэлт гаргасан тохиолдолд УИХ түүнийг огцруулах тухай хэлэлцэх нөхцөл бүрдэх юм. Эрхэм цэцийн гишүүдээ. Үндсэн хууль зөрчсөн эсэх эцсийн шийдвэрийг та бүхэн гаргана. Цэцийн дээр хөх тэнгэр бий гэж ярьдаг. Та бүхний дээр эрх мэдэлтэн биш зөвхөн үндсэн хууль бий. Шударга ёсыг ард түмэн хүсэж байна" гэжээ.УИХ-ын нэр бүхий гишүүд ээлжит бус чуулган зарлаж "60 тэрбум"-ын хэргийг хэлэлцэх хүсэлтийг гарган УИХ-ын дарга М.Энхболдод өгсөн. Гэтэл УИХ-ын дарга М.Энхболд уг асуудлыг хэлэлцэхгүй байгаа нь Монгол улсын холбогдох хуулиуд болон Үндсэн хууль зөрчсөн эсэхийг тогтоож өгөхийг Ерөнхий сайд ҮХЦ-ээс хүсчээ