УИХ-ЫН ГИШҮҮН АСАН Д.ГАНТУЛГА ЦАГДААД ХАНДЖЭЭ

Энэ сарын 26-27 нд шилжих шөнө Нийслэлийн Хан-Уул дүүргийн нутагт байрлах "Вива сити" орон сууцны хорооллын М байранд /хохирогчийн нэр хүндэд халдаж болзошгүй тул байрны тоотыг дэлгэрэнгүй оруулаагүй болно/ 28 настай эмэгтэй Э-г УИХ-ын гишүүн асан Г, /31 настай/ түүний найз Э /31 настай/ нар бүлэглэн хүчиндэхийг завдсан гэх өргөдөл Цагдаагийн байгууллагад ирсэн байна.

Хэрэг гарсан өдрийн өглөө хохирогч цагдаагийн байгууллагад өөрийн биеэр очиж өргөдөл гаргасан байна. Хохирогч гэх эмэгтэйн өргөдлийн дагуу цагдаагийн бие бүрэлдэхүүн хэргийн газарт очиж үзлэг хийж, шаардлагатай баримтуудыг хэрэгт хавсаргажээ. Шинжээчид "Хэргийн газрын үзлэг хийхэд урьдчилсан байдлаар гэмт хэргийн ул мѳр илрээгүй" хэмээн үзсэн бөгөөд хохирогч эмэгтэйн биед үзлэг хийж, тэмдэглэл хѳтѳлж хэрэг бүртгэл нээжээ.

Эх сурвалжаас тодруулахад 2018.11.28-ны өдөр ХУД-ийн цагдаагийн 2-р хэлтэст Х-2-3819 дугаартай хэрэг нээж УИХ-ын гишүүн асан Д.Гантугын өргөдөлөөр Ш.Эрбол гэх байцаагч хэрэг үүсгэн шалгаж эхэлжээ. Өөрөөр хэлбэл иргэн А-нь Д.Гантулгаас мөнгө нэхэж шантаажилж дарамталсан хэрэгт эрүүгийн хуулийн 17-6, 21-2 зүйл ангиар хэрэг үүсгэн шалгаж байгаан байна. Энэ талаар илүү дэлгэрэнгүйг эргэн мэдээллэх болно