“ШӨНӨ ДУНДЫН ЯРИА-2” УРАН САЙХНЫ КИНО НЭЭЛТЭЭ ХИЙНЭ.

15 жилийн өмнө Монголын анхны аймшгийн жанрын нэвтрүүлэг "Шөнө Дундын Яриа" хийгдэж, тухайн үед цоо шинэ жанрыг үзэгчдэд хүргэн, үзэгч олны сонирхолыг ихээр татаж байв.

2013 онд тус нэвтрүүлэг нь кино хэлбэрт шилжснээр "Шөнө Дундын Яриа" бүрэн хэмжээний уран сайхны кино болон үзэгчдэд хүрч, тухайн оныхоо "Академи Авардс 2013" наадмын шинэ давалгаа шагналыг хүртэн, ашиг орлогоороо тэргүүлж байсан билээ.
Энэ удаад инээд айдсыг хослуулсан маш хурц үйл явдалтай өвөрмөц жанрын
"Шөнө Дундын яриа 2" УСК бэлэн болж 2018 оны 11 сарын 30 нд албан ёсны нээлтээ хийхээр товлогдсон байна.
Тус кино нь "Очир фильм" студид хийгдсэн бөгөөд ерөнхий ивээн тэтгэгчээр "Монгол фото" студи, туслан гүйцэтгэгчээр "Борн фильм" студи хамтран бүтээжээ.
Зохиолч найруулагчаар залуусын сайн мэдэх "Шөнө дундын яриа-1 "болон "Хамгийн сайхан нь" кинонуудыг бүтээсэн найруулагч О.Батзориг ажилласан ба ерөнхий продюсерээр Д.Цэдэнгомбо, ерөнхий зураглаачаар П.Энхбаатар ажилласан байна.

Гол дүрүүдэд монголын хипхоп хамтлагын томоохон төлөөлөл "Опозит" хамтлагийн А.Гантулга, жүжигчин Б.Баттогтох, шинэхэн уран бүтээлч Б.Есүжин болон сурагч Э.Нинжин, жүжигчин М.Энхзаяа Х.Батбаяр нарын олон олон уран бүтээлчид тогложээ.
Тус киноны үйл явдал өмнөх ангиас хөвөрдөн үргэлжилэх хэдий ч "Шөнө дундын яриа-1" киног үзэж амжаагүй үзэгчдэд ч ойлгохоор хийгдсэнээрээ онцлогтой.