МАН-ЫН БҮЛГИЙН ХУРАЛДААНААР Д.ХАЯНХЯРВААГ ЧӨЛӨӨЛӨХ АСУУДЛЫГ ХЭЛЭЛЦЭНЭ

УИХ дахь МАН-ын бүлэг өнөөдөр 10.00 цагаас хуралдана. Бүлгийн хуралдаанаар МАН-ын бүлгийн дарга Д.Хаянхярвааг огцруулах эсэх асуудлыг хэлэлцэх юм байна.Тодруулбал, өчигдөр МАН-ын Удирдах зөвлөл шөнө болтол хуралдаж, МАН-ын бүлгийн дарга Д.Хаянхярвааг чөлөөлөх шийдвэр гаргасан. Энэ дагуу уг асуудлыг өнөөдөр бүлгийн хуралдаанаар шийдвэрлэхээр болжээ. Энэхүү шийдвэрийн талаар өчигдөр МАН-ын бүлгийн дарга Д.Хаянхярваа "Бүлгийн даргын ажлаа өг гэж бүлэгт санал оруулах гэж байна. Бүлэг хэрхэн шийдэхийг би мэдэхгүй ч надад бүлгийн даргын ажлаа өгөхөд татгалзах, харамсах юм байхгүй. Харин зохион байгуулалттай бүлэг хэргийг би цааш нь ил тод болгоно. Зохион байгуулалттай бүлэг хулгайтай тэмцээч ээ гэсэн санал гаргасны төлөө намайг бүлгийн даргаас огцруулах шийдвэрийг Удирдах зөвлөлөөс шийдвэрлэсэн. ЖДҮХС-гаас зээл авсан асуудлыг би бүлэг зохион байгуулалттай хэрэг гэж үзэж байна. Үүнийг олон түмэн харж байгаа байх" гэжээ