Н.БАЯРТСАЙХАН:БИ ЗЭЭЛ АВААГҮЙ, ГЭХДЭЭ ШАЛГАЯ

Төрийн өндөр албан тушаалтнууд иргэдэд очих ёстой байсан Жижиг, дунд үйлдвэрийг хөгжүүлэх сангийн (ЖДҮХС) зээлээс нэн хөнгөлөлттэй нөхцөлөөр мэдээлэлд ойр давуу байдлаа ашиглан зээл авдаг тухай цувралаар хүргэсээр байгаа билээ. Бид өмнөх цувралуудаараа 2018 онд зээл авсан хүмүүсийн талаар мэдээлж байсан бол энэ удаад 2017 онд зээл авсан төрийн өндөр албан тушаалтнуудын нэрсийг эхнээс нь зарлах гэж байна. Шүүлтээр хамгийн түрүүнд гарч ирсэн хүний нэр бол одоо Монголбанкны Ерөнхийлөгч хийж буй Надмидын Баяртсайхан юм. Тэрбээр хамгийн сүүлд бөглөсөн хөрөнгө орлогын мэдүүлэгтээ Хархираа Импекс ХХК, Сан ХХК, Жи Пи Эм ХХК, АПУ ХК, Би Ди Сек ХК, Эрдэнэс таван толгой ХК гэсэн долоон компанид хувь эзэмшдэг тухайгаа бичсэн бөгөөд түүний хувь эзэмшдэг Жи Пи Эм ХХК 2017 онд ЖДҮХС-гаас зээл авсан компаниудын жагсаалтад дурайх ажээ

ikon.mn