Б.БАТЗОРИГ САЙДЫН ӨРГӨДЛИЙГ УИХ-ААР МАРГААШ ХЭЛЭЛЦЭЖ МАГАДГҮЙ

ХХААХҮ-ийн сайд Б.Батзориг мэдээлэл хийж, өөрийн хүсэлтээр сайдын албан тушаалаасаа огцрох өргөдлөө өгч байгаагаа мэдэгдсэн.

УИХ-ын гишүүд, Засгийн газрын сайд нар ЖДҮ-ийг хөгжүүлэх сангаас өөрийн компанид зээл авсан нь тодорхой болсонтой холбогдуулаад уг асуудлыг хариуцдаг салбар яам болох Хүнс, хөдөө аж ахуйн хөнгөн үйлдвэрийн сайд Б.Батзориг хариуцлага хүлээхээр болсон нь энэ юм.

Түүний өргөдлөө өгсний дараа Засийн газар уг асуудлаар хуралдсан. Эх сурвалжийн мэдээлж буйгаар Б.Батзориг сайдыг өргөдлийг өнөөдөр УИХ-ын даргад өргөн барьж маргаашийн чуулганы хуралдаанаар хэлэлцэнэ гэх мэдээлэл байна. Харин ирэх долоо хоногт ХХААХҮ-ийн сайдад нэр дэвшигчийн асуудлыг УИХ-аар оруулж ирэх төлөвтэй байгаа талаар эх сурвалжууд мэдээлж байна.