МАН-ЫН БҮЛЭГ ЯАРАЛТАЙ ХУРАЛДАХААР БОЛЖЭЭ

МАН-ын бүлэг өчигдөр ээлжит бусаар хуралдаж, Жижиг дунд үйлдвэрлэлийг дэмжих сангийн зээлтэй холбоотой асуудлыг хэлэлцсэн билээ. Бүлгийн хурлаас ЖДҮДС-гаас зээл авсан гишүүдэд хариуцлага тооцож, зээлийг эргэн төлүүлэх нь зүйтэй гэж үзсэн. Мөн уг асуудалтай холбоотойгоор ХХААХҮ-ийн сайд Б.Батзоригт хариуцлага тооцож, албан тушаалаас нь огцуулах улс төрийн шийдвэрт санал нэгдсэн. Б.Батзориг сайд ч улс төрийн хариуцлага хүлээж, өөрийн хүсэлтээр албан тушаалаасаа огцорно гэдгээ мэдэгдсэн. Өчигдөр орой Засгийн газар ээлжит бусаар хуралдаж сайдыг огцруулах асуудлыг хэлэлцэж, дэмжсэн сурагтай. Өнөөдөр УИХ-д сайдыг огцруулах саналаа өргөн барих юм байна.

Өчигдөр МАН-ын бүлгийн хурлаар Ерөнхийлөгч Х.Баттулгын УИХ-ын өөрөө өөрийгөө тараах саналыг хэлэлцэх товтой байсан ч хэлэлцээгүй тарсан. Тэгвэл өчигдөр орой МАН-ын бүлгээс гишүүддээ өглөө яаралтай хуралдах зар хүргүүлжээ. Гэхдээ УИХ-ыг тараах Ерөнхийлөгчийн саналыг хэлэлцэхээс өмнө төсвийн асуудлаар яаралтай хуралдах шаардлага гарсан тул өглөө хуралдана гэсэн зар хүргүүлсэн байна.