КОНСУЛЫН ГАЗРААС МОНГОЛЧУУДДАА ХУЛГАЙН ГЭМТ ХЭРГЭЭС БОЛГООМЖЛОХЫГ АНХААРУУЛЛАА

Гадаад харилцааны яамны Консулын газраас сэрэмжлүүлэг гаргалаа. Тус сэрэмжлүүлэгт Европын орнуудад зорчиж буй иргэдийг хулгайн гэмт хэргээс болгоомжлохыг анхааруулжээ. Европын Холбооны зарим оронд, тухайлбал Испани, Итали, Франц улсад хувийн болон албаны хэргээр зорчиж буй манай иргэд хулгайн гэмт хэргийн хохирогч болох тохиолдол багагүй гардаг байна.

Иймд Гадаад харилцааны яамнаас иргэддээ дээрх улсуудад зорчихдоо бичиг баримт, мөнгө төгрөг, хувийн үнэт эд зүйлсээ сайтар хадгалах, хулгайн гэмт хэргийн хохирогч болсон нөхцөлд тухайн улсын цагдаагийн байгууллага болон Монгол Улсын Элчин сайдын яаманд нэн түрүүн хандахыг зөвлөжээ. Холбогдох мэдээллийг Гадаад харилцааны яамны Консулын газрын www.consul.mn цахим хуудаснаас авах боломжтой юм.