ӨРХИЙН БОДИТ МӨНГӨН ОРЛОГО 56400 ТӨГРӨГӨӨР ӨСЖЭЭ

Үндэсний статистикийн хорооноос өнгөрсөн долдугаар сарын нийгэм эдийн засгийн мэдээлэл өглөө. Мэдээллийг Үндэсний статистикийн хорооны Үндэсний тооцоо судалгаа шинжилгээний газрын статистикч Ю.Батзориг, С.Норов нар танилцууллаа.

Статистик судалгаанаас харахад ажилгүйдлийн төвшин тогтмол буурч байна. Өнгөрсөн долдугаар сард танилцуулсан дүнгээр бол өмнөх оны мөн үетэй харьцуулахад 3,2 хувиар буурсан гэж байсан бол энэ удаад 2,1 хувиар тус тус буурчээ.

Мөн энэ удаагийн судалгаагаар нэг өрхийн сарын дундаж мөнгөн бодит орлого 56400 төгрөгөөр өссөн гэж гарчээ. Одоогоор нэг өрхийн дундаж орлогыг 1,1 сая төгрөг гэж тооцож байна. Үүнд цалин хөлс 46 мянга, хөдөө аж ахуйн үйлдвэрлэл, үйлчилгээний орлого 28,5 мянган төгрөгөөр өссөн нь голлон нөлөөлсөн гэв.

Өрхүүдийн мөнгөн орлого, зарлагыг 2018 оны хоёрдугаар улиралын байдлаар тоймлон хүргэхэд:

300 мянган төгрөгөөс доош орлоготой 82,8 мянган өрх
300-500 мянган төгрөгийн орлоготой 132,9 мянган өрх
500-900 мянган төгрөгийн орлоготой 255,7 мянган өрх
2,1 сая төгрөгөөс дээш орлоготой 73 мянган өрх