АНУ-ЫН ЭСРЭГ АВЧ ХЭРЭГЖҮҮЛЭХ ХУДАЛДААНЫ ХАРИУ АРГА ХЭМЖЭЭНҮҮД ХҮЧИН ТӨГӨЛДӨР БОЛЖЭЭ

Admin

2018/06/22

Европын Холбооны /ЕХ/ АНУ-ын эсрэг авч хэрэгжүүлэх худалдааны хариу арга хэмжээнүүд хүчин төгөлдөр болж байна гэж Европын Комисс мэдэгджээ.

АНУ ган болон хөнгөн цагаанд 10 болон 25 хувийн импортын татвар ногдуулсны хариуд ЕХ АНУ-аас экспортолж буй өргөн цар хүрээг хамарсан бараа бүтээгдэхүүнд жилд 2,8 тэрбум еврогийн импортын татвар ногдуулжээ.

Жагсаалтад ган болон хөнгөн цагааны хэд хэдэн нэр төрлийн бараа бүтээгдэхүүнээс гадна хөдөө аж ахуйн бараа бүтээгдэхүүнүүд, тэр дундаа фасоль буюу бөөрөн шош, будаа, эрдэнэ шиш, самрын тос, жүржийн шүүс болон тамхи, тамхин бүтээгдэхүүнүүд орсон байна.

Арга хэмжээнүүдийн жагсаалтыг ЕХ 6 дугаар сарын 20-нд эцэслэн баталжээ. Энэхүү арга хэмжээ нь АНУ-ын эсрэг авч хэрэгжүүлэх эхний алхам бөгөөд худалдааны шинэ арга хэмжээнүүд болохыг ЕХ сануулсан аж.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ