ХЯТАДЫН САНСРЫН НИСЭГЧИД ХҮНД НӨХЦӨЛД "АМЬД ҮЛДЭХ" БЭЛТГЭЛ ХИЙЛЭЭ

Admin

2018/05/29

Хятадын сансрын нисэгчид байгаль цаг уурын хүнд нөхцөлд амьд үлдэх 19 өдрийн онцгой бэлтгэлийг саяхан гүйцэтгэжээ.

Нийт 15 нисэгч Өвөр Монголын Бадайн Жаран гэдэг элсэн цөлд энэхүү сургуулилалтыг хийсэн байна. Нисэгчид хүнгүй элсэн цөлд газардсан тохиолдолд бүхээгнээсээ өөрсдөө гарах, байрлалаа мэдээлэх, 48 цагийн хугацаанд буюу аврагчдыг ирэх хүртэл тэсэж үлдэх бэлтгэлийг хийжээ.

"Энэ сургуулилалтаар салхи шуургатай, өндөр температуртай, усгүй орчинд хэрхэн тэсэж үлдэхийг нисэгчдэд зааж байна" гэж Хятадын хоёр дахь эмэгтэй сансрын нисэгч Ван Япинь хэвлэлд ярьсан байна.

Өмнө нь далайн усанд газардсан тохиолдолд хэрхэн амьд үлдэх сургуулилалтыг өнгөрсөн онд Шандон мужийн эрэгт зохион байгуулж байв.

2022 онд бүрэн ажиллагаанд орох сансрын станцад ажиллах нисэгчдийг Хятадын Сансрын Нисэгчдийн Төв бэлдэж байгаа нь энэ юм байна.

Эх сурвалж: Xinhua, CGTN

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ