​"ЭРДЭНЭС ТАВАНТОЛГОЙ" ХК-ИЙН ОЛБОРЛОЛТЫН ТАЛБАЙД ГАРСАН ОСЛЫГ НУУЦАЛЖ БАЙНА

Энэ сарын 4-ний өдөр Өмнөговь аймагт үйл ажиллагаа явуулдаг "ЭрдэнэсТавантолгой" төрийн өмчит хувьцаат компанийн ажилтан хүнд даацын автомашинд дайруулж нэг хүн амь насаа алдсан харамсалтай хэрэг гарсан тэгвэл энэ хэргийн талаар тус компаниас ямар нэг мэдээлэл гаргахгүй байгаа юм. Эрдэнэс тавантолгой компанийн Өмнөговь аймгийн Цогтцэций сумын нутаг дэвсгэрт үйл ажиллагаа явуулдаг олборлолтын талбайд, иргэн 43 настай иргэн А гэгч нь хүнд даацын бульдозер маркийн автомашинд дайруулж нас баржээ. Гэхдээ энэ талаар тус компанийн зүгээс ямар ч мэдээлэл гаргахгүй байгаа юм. ажилтнуудаа ч гэсэн мэдээллийг задруулахгүй байх үүрэг өгсөн байна. Талийгаач нь нүүрсний овоолго хийж байсан бөгөөд машинаа унтраалгүй буусан байжээ. Улмаар жолоодлогогүй машин хөдлөх үед машиныг зогсоох оролдлого хийх үедээ осолдож дайруулсан байна. Уг хэргийг нүдээр харсан гэрч байхгүй бөгөөд талийгаачийг олох үед толгойн хэсэг нь бүтэн бяцарсан байжээ. Хохирогчийн хувьд орон нутгийн харъяалалтай нэгэн бөгөөд өмнө нь "Энержи ресурс" компанид ажиллаж байгаад "Эрдэнэс Тавантолгой" компанид шилжин ажиллаж эхлээд байжээ. Одоогоор энэхүү хэргийг өмнөговь аймгийн цагдаагийн байгууллагад шалгаж байгаа юм.