ХОЁР СОЛОНГОСЫН ЕРӨНХИЙЛӨГЧ НАРЫН ХООЛ ИДЭЖ БАЙГАА ХӨГЖИЛТЭЙ БИЧЛЭГ

Өмнөд Солонгосын Ерөнхийлөгч Мүүн Же Ин болон Умард Солонгосын удирдагч Ким Жон Ун нарын уулзалт хоёр Солонгосын цэрэггүй бүсэл эхэллээ.  Энэхүү уулзалтаар хоёр Солонгосын хооронд энхийн хэлэлцээ байгуулах, зэвсэглэлээр хөөцөлддөг байдлыг таслан зогсоох, Солонгосын хойгт энх тайван байдал авчрах зэрэг олон чухал асуудал хөндөх юм. Ялангуяа хоёр Солонгосын хооронд энхийн гэрээ байгуулах тухай асуудал олон улсын анхаарлыг татаж байна. "Энэ бол хоёр Солонгосын харилцааг шинэ шатанд авчрах түүхэн үйл явдал. Магадгүй энэ зуунд тохиох түүхэн тохиолдлын ч нэг байхыг үгүйсгэхгүй" гэж Олон улсын хүний эрхийн байгууллагын Ази тивийг хариуцсан захирал Бред Адамс ярьжээ. Уулзалтын үеэр Өмнөд Солонгосын ард түмэн Умардын удирдагчийг хоёр Солонгосын яриа хэлэлцээг зохион байгуулахад идэвхтэй ажилласанд талархаад энх цагийг авчрах түүхэн алхам гэдгийг Мүүн Же Ин онцолжээ. Хоёр Солонгосын удирдагчдын хооронд хамгийн анх 2000 онд уулзалт болж байсан бөгөөд тухайн үеийн Умард Солонгосын удирдагч Ким Жон Ил, Өмнөд Солонгосын Ерөнхийлөгч Ким Де Жун нар уулзаж байсан юм.  Энэ уулзалтыг зохион байгуулсан Ким Де Жун Нобелийн энхтайвны шагнал хүртэж байсан юм. Үүнээс долоон жилийн дараа Умард Солонгосын удирдагч Ким Жон Ил, Өмнөд Солонгосын Ерөнхийлөгч Ро Мүүн Хён нар уулзаж байсан юм