Дөрөвдүгээр сарын 20-28ны өдрүүдэд Арабын нэгдсэн Эмират Улсын Абу Даби хотноо Жюү-Жицү бөхийн Дэлхийн аварга шалгаруулах тэмцээн болсон билээ. Энэхүү тэмцээнд 1000 гаруй тамирчин оролцож өрсөлдсөнөөс манай улсын 30 тамирчин оролцож, 30 медаль хүртсэн юм. Тэдний нэг зургаан настай Дэлхийн аварга А.Хүслэнгийн ээжтэй ярилцлаа. А.Хүслэн нь Kids-2 ангиллын 23 кг-д алтан медаль хүртсэн юм.
Сайн байна уу танд болон хүүд нь баяр хүргэе
-Баярлалаа энэ өдрийн мэнд хүргэе.
Хүү нь энэ спортоор хичээллээд хэдэн жил болж байгаа вэ?
-Хичээллэж эхлээд яг нэг жил болж байна. Таван настайгаасаа хичээллэж эхэлсэн.
Хамгийн анх энэ Жюү жицүгийн спортоор хичээллүүлье гэдэг санааг хэн гаргасан бэ? Яагаад энэ спортыг сонирхсон бэ?
-Хамгийн анх аав нь хүүгээ ямар нэг спортын төрлөөр хичээллүүлье гээд эхлээд жудо сонирхож байгаад Жюү-Жицү хүүхдэд илүү тохиромжтой хэвтээ барилдаан их хийдэг гэмтэл бэртэл гарах нь бага бие хамгаалах зорилготой. Тийм учраас бага насны хүүхдэд тохиромжтой их зүгээр спорт байдаг юм байна гэсэн юм. Манай хүү ч өөрөө их дуртай байсан.
Хүүхэд нь нэгдүгээр ангид сурдаг. Үүний хажуугаар бэлтгэл сургалт хийхээр ядардаг уу? Хэрхэн зохицуулдаг вэ?
-Улсын сургуульд сурдаг болохоор харьцангуй ачаалал бага хичээл нь өглөө ороод өдөр тардаг. Гэртээ ирж цай ундаа уучхаад үдийн хойно бэлтгэлдээ яваад орой ирээд хичээлээ хийгээд хоолоо идээд унтдаг даа. Долоо хоногийн нэг дэх, гурав дахь, дөрөв дэх, хагас сайн өдрүүдэд бэлтгэлээ хийдэг. Манайх хоёр хүүхэдтэй бага маань гурван настай одоохондоо ажил хийдэггүй, цаг заваа хүүхдүүддээ л зарцуулж байна даа.
Нэг жилийн хугацаанд дэлхийн аваргаас өөр ямар амжилт үзүүлсэн бэ, мөн хүүхдийг хүмүүжилд хэрхэн нөлөөлж байна вэ?
-Жюү-Жицүгийн улсын аваргаас хүрэл медаль Азийн аваргад ороод шагналт байранд орсон байгаа. Дэлхийн аваргын тэмцээнд явуулахдаа гаргасан амжилт, бэлтгэл сургуулилтыг харж явуулдаг. Манай хүүхэд энэ спортоор хичээллэж эхлээд маш их биеэ дааж сурсан, өөртөө итгэлтэй, хамт олонтой, нас насны ангиллын хүүхдүүд явдаг учраас хүнийг хүндэлж харьцаж байна. Мөн их нээлттэй болсон. Спорт хүнийг асар их хүмүүжүүлдэг юм байна. Хүү маань өөрөө маш их дуртай үүнд ингэж дуртай болж байгаагийн бас нэг шалтгаан бол багш нарын үүрэг нөлөө маш их байгаа гэж бодож байгаа.Мундаг сайн багш дасгалжуулагч нарт нь маш их баярлалаа гэж хэлмээр байна.
Мэдээж гадагшаа явахад очоод байрлах байр хоол гээд зардал, мөнгө санхүү хэрэгтэй энэ бүгдийг хаанаас гаргасан бэ?
-Өөрсдөө л гаргана даа цаашдаа дэлхийн аварга болон гадагшаа тэмцээн уралдаанд явж байгаа хүүхдүүдийг улсаас дэмждэг байвал зүгээр санагддаг. Хэдий өөрсдөө сонирхоод шалгараад явж байгаа ч гэсэн Монгол улсын нэр Дэлхийд гарч байгаа шүү дээ. Заавал спортоор ч биш ч гэсэн оюун ухаанаараа тэргүүлдэг хүүхдүүд зөндөө байгаа аль алинд л улс дэмждэг байвал зүгээр байх.
За баярлалаа хүү нь хамгийн сүүлд аль улсын тамирчинтай барилдсан бэ?
-Украины тамирчинтай барилдаад нэг ялагдсан тэгээд царай нь урвагар байсан.Тэмцээн дуустал уулзаагүй л дээ.Тэгээд дараа нь АНЭУ-ын тамирчинтай барилдаад ялсан байгаа. Ялж ирээд ээжээ би чадсаан гээд л инээгээд байсан их баяртай байгаа хүүгээрээ болон багш нараар нь бахархаж байна.
Одоо хүүхдээ ямар нэг зүйлээр хичээллүүлье гэж бодож байгаа эцэг эхчүүдэд зөвлөгөө өгөөч?
-Заавал энэ Жюү- Жицү биш юмаа гэхэд ер нь спорт бол хүүхдэд маш их хүмүүжлийг өгдөг юм байна шүү. Ядаж л утас ухаад суух зав олгохгүй pc тоглоомтоглоод байхгүй их зүгээр юм байна. Бага хүүгээ дараа жил дөрвөн нас хүрэхээр нь бас өгнө гэж бодож байгаа. Одоо ахаасаа бага багаар суралцаад л байгаа. Спорт хүүхдэд эх орон үзлийг ч олгодог. Ялж ялагдаж сурна бас сэтгэл зүйд их нөлөөлдөг юм билээ. Дээрээс нь биеийн эсэргүүцэл сайжирна манай хүүхэд өвөл бараг ханиад хүрээгүй.
За баярлалаа хүүгийнх нь сурлага болон спортод илүү их амжилт хүсье. Олимпын аварга болоорой миний дүү
-Ирж уулзаж ярилцсанд маш их баярлалаа, баяртай
ЯРИЛЦСАН: Б.НАРАНТУЯА
Улаанбаатар °C 
Сэтгэгдэл (0)
Сэтгэгдэл бичигдээгүй байна